ညီဖတ်ဖို့… (ဘယ် ၈ နာရီက အရေးအကြီးဆုံးလဲ)

ညမှာ သုံးယံရှိတယ်လို့တော့ အစ်ကို သိထားတယ်။ မင်းလဲ သိထားပြီးသား ဖြစ်လိမ့်မယ်။ ဒါပေမယ့် ၂၄ နာရီကို ၃ ပိုင်း ခွဲခြားပြီးတော့ မင်းမသိသေးဘူး ထင်တယ်။ အစ်ကို ဖတ်ထား၊ မှတ်ထားမိတာ တစ်ခုကို ပြောပြမယ်။ နေ့တစ်နေ့မှာ ၂၄ နာရီ ရှိတယ်။ ၈ နာရီက အိပ်လို့ ကုန်သွားတယ်။ အိပ်ချိန်ကလည်း အမှန်တကယ်ပဲ ကျန်းမာရေးအတွက်အရေးကြီးတယ်။ နောက်နေ့ အလုပ်ခွင်မှာ စိတ်ကြည်ကြည်လင်လင်နဲ့ လုပ်ကိုင်နိုင်ဖို့ အတွက် လုံလောက်အောင် အိပ်ဖို့ လိုပါတယ်။

နောက်ထပ် ၈ နာရီက အလုပ်ခွင်မှာ ကုန်တယ်။ တစ်ချို့ဆို ဒီထက်ကြာအောင် လုပ်ရတယ်။ တစ်ချို့ဆို ၁၀ နာရီ၊ ၁၂ နာရီ လုပ်ကြရတယ်။

ဒါဆို ကျန်တဲ့ အချိန်လေးကို တွက်ကြည့်ပါဦး။

၂၄ နာရီ (တစ်ရက်တာ) – (၈ နာရီ (အိပ်ချိန်) + ၁၀ နာရီ (အလုပ်ချိန်) ) = ၆ နာရီ (အားလပ်ချိန်)

၂၄ နာရီ (တစ်ရက်တာ) – (၈ နာရီ (အိပ်ချိန်) + ၁၂ နာရီ (အလုပ်ချိန်) ) = ၄ နာရီ (အားလပ်ချိန်)

ဒီလောက်ဆိုရင် မင်းရဲ့အားလပ်ချိန်ကို တွက်ကြည့်လို့ရလောက်ပြီ ထင်တယ်။

ပုံမှန်ဆို ၈ နာရီ ကျန်မယ်။ အဲဒီ ၈ နာရီထဲမှာ မင်းဘာတွေ လုပ်မလဲ။ ချရေးကြည့်ရအောင်

ရေချိူး၊ ထမင်းစား၊ အလုပ်သွား၊ အလုပ်ပြန်၊ TV ကြည့်၊ မိတ်ဆွေတွေနဲ့စကားပြော၊ သူများပြောတာ နားထောင်၊ ကော်ဖီဆိုင်ထိုင်၊ အားကစားလုပ်၊ ဘာသာရေးအတွက်အချိန်ပေး၊ ပြီးတော့ အခြားအခြားသော ပါစင်နယ်ကိစ္စတွေ…

စသည့်ဖြင့် ချရေးလို့ မကုန်နိုင်ပါဘူး။ တစ်ယောက်နဲ့ တစ်ယောက်လည်း အချိန်ကို သုံးကြတာချင်းလည်း မတူပါဘူး။

လူတော်တော်များများက အလုပ်ခွင်မှာ ပင်ပင်ပန်းပန်း လုပ်ပြီးပြန်လာရင်ဘဲ သူ့တို့ဘ၀ တိုးတက်မှုအတွက် လုံလောက်ပြီလို့ ထင်တတ်ကြတယ်။ အစ်ကို သူတို့ကို စော်ကားတာ မဟုတ်ဖူး။ အားမလို အားမရ ဖြစ်တာ။ ဒါကြောင့် ငါ့ညီကို ပြောပြတာပါ။ အလုပ်ခွင်မှာ ကြိုးစားပန်းစား လုပ်ကိုင်ပေးတာ အရမ်းကောင်းတာပေါ့။ အဲလို လုပ်ကိုင်ပေးတာ အလုပ်ရှင်ရဲ့ ကျေနပ်မှုလည်း ရသလို၊ မိမိရာထူးတက်ဖို့လည်း အထောက်အကူ ဖြစ်နိုင်ပေ့ါ။ ဒါပေမယ့် အလုပ်ကို ကြိုးစားပန်းစား လုပ်တာတစ်ခုတည်းက အလုပ်ခွင်ထဲမှာ တိုးတက်မှုကို မဖြစ်စေပါဘူး။ နောက်ထပ် အခြားအရာတွေ အများကြီးလိုသေးတယ်။

အလုပ်ကြိုးစားလုပ်တဲ့ လူတွေအကြောင်းပြောရရင်တော့ ပြောမကုန်နိုင်ပါဘူး။ ကျောက်စစ် ပန်းပုပညာရှင် မိုက်ကယ်အိန်ဂျလိုဆိုရင် အိပ်ယာထတာနဲ့ တန်းပြီး အလုပ်လုပ်နိုင်ဖို့ ညအိပ်ယာဝင်တာတောင် အလုပ်ခွင်အ၀တ်အစားနဲ့ အိပ်ယာဝင်တယ်။ ဘီဂိတ်စ်ဆို မိုက်ကရိုဆော့မှာ ရုံးတက်တုန်းက အခြားအလုပ်တွေအပြင် တစ်ရက်တစ်ရက် အီးမေးလ် အစောင် ၃၀၀၊ ၄၀၀ နီးပါး နေ့တိုင်းရေးရတယ်၊ ပို့ရတယ်။ ဒါကြောင့်လဲ ဒီလူတွေ ကမ္ဘာကျော်သွားကြတာပဲလေ။ အဲဒီအကြောင်းကို နောက်တော့ထပ်ပြီး အသေးစိတ်ပြောပြဦးမယ်။

ဒီကဏ္ဍလေးမှာ ပြောချင်တာက အိပ်ချိန် ၈ နာရီလည်း မဟုတ်ဖူး၊ အလုပ်ချိန် ၈ နာရီလည်း မဟုတ်ဖူး။ နောက်ထပ် ကျန်တဲ့ ၈ နာရီအကြောင်းပါ။ အားလပ်ချိန် ၈ နာရီဆိုပါတော့။

အစ်ကိုကိုယ်တိုင်လည်း အဲဒီ ၈ နာရီက လူ့တစ်ယောက်ရဲ့ ဘ၀တိုးတက်ဖို့အတွက် အရေးအကြီးဆုံးပဲလို့ ယုံကြည်တယ်။ ဒါကြောင့်လည်း အသေးစိတ်ကို ပြောပြချင်နေတာ။

အဲဒီ အားလပ်ချိန် (၈) နာရီနဲ့ ကိုယ့်ဘ၀ကို တိုးတက်အောင် ဘာတွေလုပ်နိုင်မလဲဆိုတာကို (၃) ချက်လောက် စဉ်းစားပြီး ရေးကြည့်မယ်။ ဒီထက်မက တကယ့်ကိုအများကြီး ရှိပါသေးတယ်။

(၁) အစ်ကိုတွေ့ဖူးတဲ့ လူတစ်ဝက်ကျော်လောက်က သူတို့လုပ်နေတဲ့အလုပ်ကို မုန်းကြတယ်။ လုပ်တဲ့အလုပ်ကို မချစ်မှတော့ အလုပ်ခွင်ထဲမှာ ပျော်မှာမဟုတ်တော့ဘူးဆိုတာ သေချာတယ်။ ငါ့ညီ အဲဒီလူမျိုးတွေကို တွေ့ရင်မေးကြည့်ပါ။ အလုပ်ချိန်ပြီးလို့အားရင် ဘာတွေ လုပ်သလဲလို့။

တကယ်လို့ သူတို့မုန်းတဲ့အလုပ်ကို စွန့်ခွာချင်တယ်ဆိုရင် အဲဒီအားလပ်ချိန်မှာ မိတ်ဆွေအပေါင်းအသင်းတွေ၊ အခြားအလုပ်ရှင်တွေဆီကနေ မိမိလုပ်ချင်တဲ့ အလုပ်မျိုးရနိုင်ဖို့ သတင်းကို စုံစမ်းနေသင့်တယ်။ အားထုတ်နေသင့်တယ်။ အဲဒီလို အားထုတ်နေရင် မိမိနှစ်သက်တဲ့ အလုပ်မျိုးကို ရလာပါလိမ့်မယ်။

(၂) ကိုယ်လုပ်ချင်တဲ့အလုပ်အတွက် ကိုယ့်မှာကျွမ်းကျင်မှု မရှိဘူးဆိုရင်လည်း အဲဒီအချိန်မှာ သင်တန်းတက်တာမျိုး၊ လက်တွေ့လုပ်ငန်းခွင်မှာ နာရီပိုင်းလောက် နေ့စဉ်သွားရောက် လေ့လာတာမျိုးလုပ်နိုင်တယ်။ အဲဒီလို လေ့လာနေမယ်ဆိုရင် အချိန် ၂ နှစ်လောက်အတွင်းမှာ ကိုယ်လုပ်ချင်တဲ့ အလုပ်ကို ပြောင်းပြီးလုပ်နိုင်မယ့် ကျွမ်းကျင်မှုမျိုး ရလာနိုင်တယ်။

(၃) ကိုယ်လုပ်ချင်တဲ့ အလုပ်နဲ့သက်ဆိုင်တဲ့ စာအုပ်စာတမ်းတွေ ဖတ်မှတ်လေ့လာနေတာမျိုးတွေ လုပ်နိုင်ပါတယ်။ အဲဒီလို ဖတ်မှတ်လေ့လာမှုတွေက အလုပ်ခွင်ထဲကို လက်တွေ့ရောက်တဲ့အခါမှာ အများကြီး အထောက်အကူဖြစ်ပါတယ်။ 

အဲဒီ ၃ ချက်အပြင် အခြားအရေးကြီးတာတွေ အများကြီးလုပ်နိုင်ပါသေးတယ်။ လက်တွေ့ကျကျပြောရမယ် ဆိုရင်တော့ လူတစ်ယောက်နဲ့ တစ်ယောက်နဲ့ ကွာသွားရတဲ့အကြောင်းရင်းက အဲဒီအားလပ်ချိန် ၈ နာရီကို ဘယ်လို အသုံးပြုသလဲဆိုတာပေါ် မူတည်မှာပါပဲ။ လူတိုင်း ပုံမှန်အိပ်ချိန်၊ နေ့စဉ်အလုပ်လုပ်ချိန်ကတော့ သိပ်ကွာလှတာ မဟုတ်ဖူး။ 

ဒီတော့ ငါ့ညီကိုလည်း အဲဒီ အားလပ်မယ့် ၈ နာရီကို မပျင်းမရိ၊ အချိန်မဖြုန်းပဲနဲ့ ကိုယ့်ဘ၀ တိုးတက်ရာ တိုးတက်ကြောင်းအတွက် ဥာဏ်ရှိရှိ အသုံးချစေချင်ပါတယ်။ 

Nine Types of Forgiveness

Acts of forgiveness vary not only in the magnitude of the wrongdoing involved, but in several other key ways. For example, are you the one seeking forgiveness, or is someone seeking forgiveness from you? Do you acknowledge you have done wrong? Does the person who has wronged you take responsibility for inflicting the hurt? Is he or she sorry?

Forgiveness will more or less difficult to perform depending upon these various conditions. Let me describe nine basic categories in which forgiveness may be sought or granted.

Type (1). You have been wronged. The other person apologizes and seeks forgiveness from you.

This situation leads to forgiveness most easily. Of course, if the hurt is deep enough, you may not be able to forgive, even with an apology and attempts at restitution.


Type (2). You have been wronged. The other person does not acknowledge the wrongful act and does not seek forgiveness.

It is much more difficult to forgive if the other person does not even acknowledge the wrongdoing, let alone offer an apology. Still, it is in both of your best interests to work your way through the process and reach forgiveness.

Type (3). You have been wronged. You don’t know who did it. You don’t know whom to blame or whom you might forgive.

Let’s say your apartment is broken into while you are out and all your valuables are stolen. This happened to me once. Not knowing who did it made the feeling of vulnerability all the more intense. The most important step here is to do all you can to regain your feeling of safety and control.

Type (4). You have been wrong. You acknowledge what you have done and you seek forgiveness from the other person.

This is the reverse of Type 1. Depending upon the psychology of the other person, you may or may not find forgiveness. However, by apologizing and making restitution, you have done all that you can do. Even if the other person does not forgive you, you should work on forgiving yourself.

Type (5). You have done wrong. You justify what you have done and do not seek forgiveness.

Now we are into realm of tragedy. King Lear banished the only daughter who truly love him, did not acknowledge that what he did was wrong and did not seek forgiveness until it was too late. The major reason it is good to study such examples is to help us avoid making the same mistake.

Type (6). You have done wrong. You acknowledge to yourself that what you have done is wrong, but you do not dare tell anymore or seek forgiveness.

This situation brings us into the realm of toxic guilt. The more you keep secret what you did, the more difficult it will be for you to gain absolution or to forgive yourself. It is best to find some safe person, like a doctor or clergy person, and talk it through.

Type (7). Wrong has been done. All parties involved justify what they have done, and no one seeks forgiveness.

Now we are in the realm of world politics. Or local politics. Or family feuds. If we’re lucky, a wise diplomat will intervene.

Type (8). Wrong has been done. Some people on both sides acknowledge responsibility and seek forgiveness, while others do not.

This is, of course, a better situation tan Type 7, although if it is a small minority working toward forgiveness, they will likely fail. However, they will triumph by gaining personal integrity and health.

Type (9). Wrong has been done. It was an act of fate. No one is to blame, but still some people feel guilty and seek forgiveness while others feel angry and seek revenge.

For example, let’s say you lose a friend to a serious illness. It is the human condition that’s to blame, but that doesn’t help. And while the human condition is what you need to forgive, that doesn’t help much either. The best solution in this situation is to grieve. Express sadness, rather than letting anger take over.

Source: Dare to Forgive by Edward M. Hallowell, M.D.

အလွဲဒိုင်ယာရီ

အလွဲ (၃)

ချင်းမိုင်ရောက်ရောက်ချင်း ရုံးတစ်ရုံးမှာပေါ့ဗျာ။ ရုံးနေ့တစ်နေ့မှာပေါ့ ကျနော့်ပညာရေးနဲ့ ပတ်သတ်တဲ့ စာရွက်စာတမ်းတွေ Scan လုပ်စရာ ရှိလာတယ်။ Scanner က ကျနော့်ဆရာရဲ့ စက်တစ်လုံးနဲ့ပဲ ချိတ်ထားတယ်။ ဆိုတော့ သူက အလုပ် လုပ်လက်စကို ခဏသိမ်းပေးပြီး ဖယ်ပေးတယ်။ ကျနော်လည်း သူ့စက်မှာ စာရွက်စာတမ်းတွေ Scan လုပ်တယ်။ ပြီးတော့ ကိုယ့်အီးမေးလ် ကိုယ်ပြန်ပို့တယ်။ (Memory Stick) မရှိသေးဘူး အဲဒီတုန်းက။ ပြီးတော့ အားလုံးကို အမှိုက်ပုံးထဲ တစ်ခုဆီထည့် အားလုံးပြီးတော့ သူ့စက်က အမှိုက်ပုံးကို ရှင်းပစ်ခဲ့တယ်။ (အဲဒီတုန်းက IT Security က မတောက်တခေါက်လေး နားလည်နေပြီ။) ပြီးတော့ ကျနော် အပြင်ထွက်သွားတယ်။ ပြန်ဝင်လာတာနဲ့ ကျနော့်ကို တန်းမေးတော့တာပဲ "မင်း အမှိုက်ပုံးကို ရှင်းသွားသေးလားတဲ့"။ ကျနော်လည်း ဟုတ်တယ်ဆိုတော့ ပွဲက စရော။ သေပြီ၊ သေပြီဆို ရယ်ကြတာပါ။

အဖြစ်က ဒီလို ကျနော့်ဆရာက သူ့အလုပ်ဖိုင်တွေကို ခဏ အမှိုက်ပုံးထဲ ထည့်ထားပြီး ကျနော့်ကို ဖယ်ပေးတာ။ ကျနော့်က အားလုံးရှင်းထုတ်လိုက်တော့ သူ့ဖိုင်တွေပါ ပါသွားရော။ နောက်ဆုံးတော့ သူလည်း တစ်ခုပဲ ပြောနိုင်တော့တယ်။ မင်းလည်း မင်းအကျင့်ပြင် (သူများစက်ကို ကိုင်ရင်မလိုအပ်တာတွေ မဖျက်မိစေနဲ့။ ကိုယ့်ဖိုင်ကို ကိုယ် ရွေးပြီး ဖျက်လို့ရတယ်။) ငါလည်း ငါ့အကျင့် ပြင်ပါ့မယ်ကွာ၊ နောက်ဆို အမှိုက်ပုံးထဲဘယ်တော့မှ ထည့်မသိမ်းတော့ဘူးတဲ့။

အဲဒီလိုပါပဲ ကျနော့်မှာ လွဲခဲ့တာတွေ အများကြီး ရှိပါသေးတယ်။ သတိရရင် ဆက်ရေးပါဦးမယ်။

ငှက်ကြီး

Big Bird

ငှက်ကြီး

ငှက်ကြီးနဲ့ နှုတ်ဆက်ခြင်း၊ အပိုင်း (၅)

ကျနော်ထိုင်းကို ထွက်ဖို့ဖြစ်လာတော့ ကျနော့်အလုပ်တွေက တန်းလန်း၊ အကုန်လုံး ငှက်ကြီးကို အပ်ခဲ့ရတယ်။ ကျန်သမျှကိုလည်း သူတာဝန်ယူပေးပါတယ်။ အားလုံးပြီးတဲ့ အထိ။

ကျနော့်အလုပ်တွေ အားလုံးသိမ်းပြီးတော့ ကျနော့်အိမ်မှာ သူအပ်ပေးတယ်။ နောက်တစ်လလောက်နေတော့ သူ့ဆီက စာတစ်စောင် ရတယ်။ အလုပ်ကိစ္စဆန်ဆန် ရေးထားတဲ့စာ။ လက်ရေးက ထုံးစံအတိုင်း မလှမပနဲ့။

အဲဒါတွေ နောက်ပိုင်း ကျနော်လည်း ထိုင်းမှာ ကိုယ့်ဘာသာ အဆင်မပြေနေတဲ့ ကာလ သူ့ဆီ မဆက်သွယ်ဖြစ်တော့ဘူး။ နောက်ဆုံး သတင်းရတာတော့ သူလည်း သူ့အလုပ်တွေကို သူ့ညီ ၀မ်းကွဲတစ်ယောက်ဆီ လွှဲပေးပြီး မိဘတွေနဲ့ ပြန်နေတယ် ကြားတယ်။

ငှက်ကြီး

ငှက်ကြီး မိန်းမပိုးခြင်း၊ အပိုင်း (၄)

ကျနော်သိသလောက် ငှက်ကြီးမှာ ရည်းစားမရှိခဲ့ဖူး။ ထားလည်း မထားခဲ့ဖူးတဲ့ ပုံပါ။ တစ်ခါမှ အဲဒီကိစ္စတွေ စကားမဟ တတ်ဖူး။ ဒီလိုနဲ့ နေရင်း ငှက်ကြီး ဈေးသည်ကောင်မလေး တစ်ယောက်က်ို တွေ့လာတယ်။ သူ့အဖွဲ့တွေနဲ့ သူသွားရင်း တွေ့လာခဲ့တာပါ။

နောက်တော့ ကျနော့်ကို ပြမယ်ဆိုပြီး ဈေးထဲသွားရင်း ပြတယ်။ ကျနော့်ကတော့ မြို့ခံလူဆိုတော့ သူပြတဲ့ ကောင်မလေးကို သိပြီးသား။ ဒါနဲ့ အားပေး အားမြှောက်လုပ်ရတော့တယ်။ မဆိုးဘူး "လိုက်ပေါ့"။

အဲဒါနဲ့ သူ အဲဒီကောင်မလေးဆီမှာ ဈေးဝယ်တဲ့ လုပ်ငန်းစဉ်က စပါတော့တယ်။ နေ့တိုင်းနီးပါး ၀ယ်တော့တယ်။ ကောင်မလေးက ငယ်ဦးမယ်။ အသက်က ၂၀ သာသာ။ အဝေးသင် တက်နေတယ်။ ပုံစံက
အဆိုတော် စိုးစန္ဒာထွန်းကို ၁၀၀ % ကနေ ၈၀% လောက် ချုံ့ထားတဲ့ပုံစံ။ အသားညိုပြီး ဆံပင်က ရှည်တယ်။ သန့်သန့်ရှင်းရှင်း နေတတ်တယ်။ ယဉ်ကျေးတယ်။ ဒီတော့ ကိုယ့်ဘော်ဒါကြီး စွံချင်လည်း စွံသွားပါစေတော့ဆိုပြီး ၀ိုင်းပြီး တတ်နိုင်သလောက် ပါရမီဖြည့်ရတယ်။

ဒါနဲ့ ငှက်ကြီးကို နည်းလမ်းတွေ ၀ိုင်းစဉ်းစားပေးရတော့တယ်။ ဒါပေမယ့် တစ်ခုမှ အလုပ်မဖြစ်။ အဲဒီကောင်မလေးဆီမှာ ပုံမှန် ဈေးဝယ်တာကလွဲလို့ ဘာမှ မထူးခြားလာ။ ကောင်မလေးက ရိပ်မိနေပြီ၊ ငှက်ကြီး သူ့ကို လာလာပိုးနေတာ။ ဒါပေမယ့် ကိုယ့်ဆရာက မျက်နှာတည်ကြီးနဲ့ ဈေးဝယ် ပြီးရင် ပြန်ထွက်လာ၊ ဒါပဲ။

ဒီထက် မပိုလာတော့ ငှက်ကြီးကို ကောင်မလေး အဝေးသင် အနီးကပ်တက်တဲ့ ကားနဲ့ ကျောင်းထဲ လိုက်သွားဖို့ အကြံပေးရတယ်။ ဒါနဲ့ ငှက်ကြီး ၀ီရိကောင်းကောင်းနဲ့ တစ်ပတ်လောက် ကျောင်းကို လိုက်သွားပုံ ရတယ်။ ဘာမှတော့ ထူးခြားတယ် မပြော။ ကျနော်လည်း ဆက်မမေးမိ။

နောက်တော့ ကျနော်တို့နှစ်ယောက်လုံး အလုပ်ကများ၊ သူလည်းမေ့မေ့ပျောက်ပျောက် ဖြစ်နေပုံရတော့ ကျနော်လည်း စပြီးမပြောဖြစ်တော့ဘဲ ငှက်ကြီး မိန်းမပိုးတဲ့ လုပ်ငန်းလည်း ပြီးဆုံးသွားတော့တယ်။

ငှက်ကြီး

ငှက်ကြီးရဲ့ ပေါင်းသင်းဆက်ဆံရေး၊ အပိုင်း (၃)

ကျနော်တို့ နှစ်ယောက်ကြားမှာ အမြဲတမ်းသုံးနေတဲ့ စကားတစ်ခု အမှတ်တရ ရှိခဲ့ကြတယ်။ "ချိန်ပေါ့ဗျာ"၊ ဒါက သူသုံးနေကြ စကား။ တစ်ခု ဆွေးနွေးလို့ သဘောမတူတဲ့ အချိန်မှာ နောက်ဆုံးနိဂုံးမှာ ငှက်ကြီးသုံးနေကြ စကား။

ဆိုလိုတာကတော့ ချင့်ချင်ချိန်ချိ်န် လုပ်ဖို့။ နောက်တော့ ကျနော်ပါ အဲဒီစကားကို လိုက်သုံးတယ်။ တစ်ခုခု သူ့ကို နားချလို့ မရရင် "ချိန်ပေါ့ဗျာ" လို့ဘဲ အဆုံးသတ်လိုက်ရတာတွေ ရှိတယ်။

ယေဘူယျအားဖြင့်တော့ ကျနော်တို့ နှစ်ယောက်လုံး အားနာတတ်ကြသူတွေပါ။ ကျနော့် ဒေါသက မျက်နှာသုန်မှုန်ပြီး အိမ်ပြန်ရုံလောက်နဲ့ ပြီးပေမယ့်၊ အခန့်မသင့်ရင် ငှက်ကြီးဒေါသက ကံမကောင်းတဲ့ တစ်ယောက်ယောက်ပေါ် ကျသွားတတ်တယ်။ တစ်ခါ အလိုက်မသိတဲ့ စစ်တပ်က အရာခံဗိုလ်တစ်ယောက်က သူ့ဆီ မီးစက်လာငှားတယ်။ အဲဒီအချိန်က သူရော ကျနော်ပါ အလုပ်အတွက် ခေါင်းစားနေတဲ့ အချိ်န်ပါ။ သူ့ဒေါသက အရာခံဗိုလ်အပေါ် ရောက်သွားတယ်။ ဟိုလူကလည်း လာတဲ့ ရည်ရွယ်ချက်ကိုပဲ ခေါင်းထဲ ထားတဲ့လူနဲ့ တူတယ်။ ငှက်ကြီး တရားဟောသမျှကို နားထောင်ပြီး နောက်ဆုံးတော့ မီးစက်ကို ဆိုက်ကားနဲ့ ရအောင် သယ်သွားတယ်။

နောက် သူ့မှာအားချက် တစ်ခုရှိတယ်။ အရမ်းညစ်လာရင် အရက်ဆိုင် ထိုင်တာ၊ Army Rum တစ်ပိုင်းနဲ့ သူ့ညစ်သမျှကို ဖြေတော့တာဘဲ။ သူအရက်ဆိုင် ထိုင်ရင်တော့ ကျနော်လိုက်မထိုင် ပေးဖြစ်ဖူး။ သူ့အလုပ်သမား တစ်ယောက်ကို ခေါ်သွားပြီး သောက်တတ်တယ်။

ဒါပေမယ့် ပေါင်းသင်းဆက်ဆံရေးမှာတော့ နာမည်ရပါတယ်။ ကျွတ်ဆတ်ဆတ် နဲနဲ ဖြစ်ပေမယ့် သူ့ကို လူတိုင်းခင် ကြပါတယ်။

အလွဲ ဒိုင်ယာရီ

အလွဲ (၂)

ကျနော် ချင်းမိုင်က အဖွဲ့အစည်းတစ်ခုမှာ အလုပ်လုပ်တုန်းကပါ။ ရုံးက ကျနော့် ဆရာရယ်၊ နောက်
အဲဒီအချိန်က ကျနော်တို့ရုံးမှာ Academic Coordinator တာဝန်ယူထားတဲ့ ကိုသိန်းနိုင် (မောက္ခ) ရယ်၊
နောက် KNU က အန်ကယ်တစ်ယောက်ရယ်၊ မဲဟောင်ဆောင်က KNPP ရုံးကို သွားကြတယ်။
ကျနော် ပါတယ်ဆိုပေမယ့် ကျနော်က ဓါတ်ပုံရိုက်၊ နောက် ကျနော့်ဆရာ က ကျနော့်ကို တိုင်းရင်းသားအဖွဲ့အစည်းတွေနဲ့ ပတ်သတ်ပြီး ဗဟုသုတ ရအောင်ခေါ်ခဲ့တာပါ။ လူကြီးတွေကတော့ လုပ်ငန်းအကြောင်း၊ နိုင်ငံရေးအကြောင်း ဆွေးနွေးကြပါတယ်။
ကျနော်ကတော့ ဓါတ်ပုံရိုက်၊ နောက် KNPP က ရဲဘော်တချို့က လိုက်ပို့လို့ ပဒေါင်စခန်း ကိုသွားလည်တယ်။ နောက် သူတို့ ညစာကျွေးတော့ ကျနော် ကရင်နီခေါင်ရည်ကို ပထမဦးဆုံး သောက်ဖူးတယ်။ ညနေဘက်လည်း ဈေးဆိုင်လေးတွေ လိုက်ကြည့်တယ်။ မနက်ဆို မဲဟောင်ဆောင်ဈေး ထဲက သျှမ်း တို့ဟူးနွေး သွားစားကြတယ်။ နောက် လက်ဖက်ရည်သောက်တယ်။ တိုးတိုးတိတ်တိတ် သေးသေးလေးနဲ့ ချစ်စရာကောင်းတဲ့ မြို့လေးပါ။
ကျနော် တစ်သက်မေ့မှာ မဟုတ်တော့ပါဘူး။ ကျနော်ကို အဲဒီခရီးကို ခေါ်ခဲ့တဲ့ ကျနော့်ဆရာကိုလည်း ကျေးဇူးတင်မိတယ်။

ကျနော်တို့အားလုံး မဲဟောင်ဆောင်မြို့လယ်က ရေကန်ဘေးက တည်းခိုခန်းမှာ တည်းကြတာပါ။
ပြန်မယ့်နေမှာ ကျနော်က ကျနော်တို့လေးယောက်လုံး တည်းခိုးခန်းရှေ့မှာ အမှတ်တရ ဓါတ်ပုံရိုက်ဖို့ စီစဉ်ပါတယ်။ ပစ္စည်းတွေ၊ အိတ်တွေ အားလုံး ကားပေါ် တင်လိုက်ပြီး ဓါတ်ပုံရိုက်ဖို့ ပြင်ဆင်ပါတယ်။

အဲဒီမှာ ကျနော်လွဲဖို့ စပါတော့တယ်...

အားလုံးထဲမှာ ကျနော့်ထိုင်းစကားက အကောင်းဆုံးလို့ ထင်ပြီး Recception က ထိုင်းအမျိုးသမီးကို ကျနော်က ကျနော်တို့ ကို ဓါတ်ပုံရိုက်ပေးဖို့ သွားပြောတာပါ။ ဒါပေမယ့် ပြောတာမမှန်တော့ ကျနော်တို့ကို ဓါတ်ပုံရိုက်ပေးလို့ ရမလားမေးတာ၊ ကျနော်တို့နဲ့ ဓါတ်ပုံ ရိုက်မလားဆိုပြီး ဖြစ်သွားတယ်။ ကျနော်လည်း ပြောပြီးပြီးခြင်းင်းမှာ မှားသွားပီဆိုတာ သိတယ်။ ဒါပေမယ့် အချိန်မမှီတော့ဘူး ထိုင်းအမျိုးသမီးက ရှက်ပြုံး ပြုံးနေပြီ။ အဲဒါနဲ့ ကျနော့် ဆရာက အခြေအနေကို သိတော့ မထူးတော့ဘူးတဲ့။ သူနဲ့ အရင် တစ်ပုံတောင်းရိုက်လိုက်တဲ့ ပြီးမှ ကျနော်တို့ ကို ပြန်ရိုက်ခိုင်း ဆိုပြီး ပြောလို့ ကျနော်လည်း အဲဒီအတိုင်း လုပ်လိုက်ရတယ်။

သူနဲ့ ကျန်သုံးယောက်ကို တစ်ပုံရိုက်ပေးပြီးမှ ကျနော်တို့ လေးယောက်ကို တစ်ပုံကို ပြန်ရိုက်ခိုင်းရတယ်။ ဒါပေမယ့် ပြန်ခါနီးမှာ အမှတ်တရ ရယ်စရာ ဖြစ်ခဲ့ပါတယ်။ ကျနော်လွဲလိုက်ရင်တော့ အကြီးကြီးပါပဲ။ :D

အလွဲ ဒိုင်ယာရီ

အလွဲ (၁)

ကျနော့်ဘ၀မှာ လွဲခဲ့တဲ့ အလွဲပေါင်းက မရေမတွက်နိုင်တော့ဘူး။ အဲဒီအလွဲလေးတွေကို ပြန်တွေးမိရင် ရယ်စရာလည်းကောင်းတယ်။ စိတ်ပျက်စရာလည်း ကောင်းခဲ့တာတွေ ရှိတယ်။

နယ်မှာ နေတုန်းက ကျနော့်တို့ခြံမှာ အုန်းပင်တွေ ရှိပါတယ်။ အုန်းပင်ရှိတော့ အုန်းတက်သမားက အမြဲတမ်းခေါ်ရတယ်။ တစ်ခါလာတဲ့ အုန်းတက်သမားကြီးကတော့ မြန်မာ့လက်ဝှေ့သမားဟောင်းကြီး၊ ကတုံးနဲ့။ နောက်ပြီး သွားတွေလည်း မရှိတော့ဘူး။

သူ ကျနော်တို့ခြံက အုန်းပင်တွေကို တက်ပေးတယ်။ နောက်ပြီး အုန်းပင်တွေကို ပြင်တာ ဘာညာ လိုအပ်တာ လုပ်ပေးမယ်။ အုန်းပင်တွေကို ဆားထည့်တာ၊ ဓါတ်ခဲ အဟောင်းတွေကို ထည့်တာတွေ လုပ်တယ်။

တစ်ရက်တော့ အဲဒီ အုန်းပင်တက်တဲ့ ဘကြီး ကျနော့်ဆီ ပေါက်ချလာတယ်။ သူ့ဘေးမှာ လူတစ်ယောက်လဲ ပါလာတယ်။ ကျနော်ကို တွေ့တော့ အုန်းပင်တက်တဲ့ ဘကြီးက "သား အဘ၊ အုန်းပင် တက်ရင် ဆေးလိပ် သောက်လား" တဲ့။ ကျနော်လည်း သူဆေးလိပ်သောက်တာ မြင်ဖူးတယ်၊ နောက်ဘာအဓိပ္ပါယ်နဲ့
ခေါက်ကာငင်ကာ လာမေးသလဲ မသိဘူးဆိုပြီး အလွယ်ပဲ ဖြေလိုက်တယ်။ နှစ်လုံးပဲ "ဟုတ်ကဲ့၊ သောက်တယ်" လို့။

အဲဒါနဲ့ အဲဒီဘကြီးနဲ့ သူ့ဘေးကလူ ပြန်ထွက်သွားကြတယ်။ `နောက် သီတင်းတစ်ပတ်လောက်နေတော့ အဲဒီ ဘကြီး ပြန်ရောက်လာတယ်။ မျက်နှာလည်း မသာမယာနဲ့။
"သားရာ မင်းအဖြေကြောင့် အဘ အချုပ်ထဲမှာ တစ်ပတ်အိပ်ခဲ့ရတယ်" တဲ့။

အဲဒါနဲ့ ဖြစ်ကြောင်း ကုန်စင်မေးကြည့်တော့၊ သူနဲ့ ပါလာတဲ့လူက ရဲ။

ဖြစ်ပုံက ဒီလို၊ အဲဒီအဘကြီးက အုန်းပင်တက်နေကျ ခြံတစ်ခြံမှာ အုန်းပင် သွားတက်တယ်။ သူတက်ပြီး ညနေပိုင်းကျတော့ အဲဒီ အုန်းပင်က မီးလောင်တယ်၊ အဲဒီအိမ်က အဝေးပြေးလမ်းမမှာရှိပြီး ကားဂိတ်နဲ့ နီးတော့ မီးသတ်ကားတွေလာ၊ ရဲတွေလာနဲ့။ တရားခံ ရှာတော့ သူ့ဆီ ပြန်ရောက်လာတယ်။

အဲဒီအဘကြီးက သူ သွားတွေမရှိတော့လို့ အုန်းပင်တက်နေရင်း ဆေးလိပ်မသောက်ပါဘူး၊ ငြင်းတယ်။ ရာသီဥတုပူလို့ အုန်းပင် မီးလောင်တာပါဆိုပြီး အကြောင်းပြတယ်။ နောက် မယုံရင် သူအုန်းပင်တက်နေကျ အိမ်ကို လိုက်မေးပေးမယ် ဆိုပြီး ကျနော့်ဆီခေါ်လာတာ။ ကျနော်က သူ ဆေးလိပ် သောက်ပါတယ် ဖြေလိုက်တော့။ သူ ငြင်းလို့ မရတော့ပဲ အချုပ်တစ်ပတ်ကျသွားတယ်။

ကျနော်လည်း ပြန်သိတော့ စိတ်တော့ မကောင်းဖြစ်မိတယ်။ ဒါပေမယ့် ဘာမှ မတတ်နိုင်ခဲ့ဘူး။ ကျနော်မှတ်မိသလောက်တော့ အဲဒီဘကြီးလည်း ကျနော်တို့ခြံမှာ အုန်းပင်လာမတက်တော့ဘူး။

ငှက်ကြီး

ငှက်ကြီးနဲ့ တကယ်တန်း တွေ့ကြတော့၊ အပိုင်း (၂)

 

တကယ်တန်းဆုံဖြစ်တော့၊ ငှက်ကြီးက သူ့တပည့်တစ်သိုက်နှင့် ကျနော့်တို့ မျက်နှာချင်းဆိုင် ခြံထဲမှာ ၀ါးဘိုးဝါး (စားလုံးပေါင်းအမှန် မသိပါ။) လာဝယ်ကြသည်။ သူ့တပည့်တွေက ၀ါးခုတ်ကြမည်။ ၀ါးခုတ်လျှင် လဲကြတဲ့ ၀ါးတွေက ဒီဘက်ခြမ်းက ကျနော်တို့ ခြံစည်းရိုးလာထိ နိုင်သည်။ များများထိခိုက်ပါက ခြံစည်းရိုး ပျက်စီးနိုင်သည်။ ဒါကြောင့် ငှက်ကြီးက ကျနော်တို့ ခြံအပေါက်က ခေါင်းလောင်းကို နှိပ်သည်။ ကျနော်ထွက်သွားတွေ့တော့ ကျနော့်နာမည် မေးသည်။ ဒါ ကို----------- တို့ခြံလားတဲ့။ သူလည်း ကျနော့်လိုပဲ ကျနော့်နာမည်ကို ကြားဖူးထားသည်။ ဒီခြံက ကျနော့်တို့ ခြံမှန်းလည်း သူကြိုသိနေသည်။

အဲဒါနဲ့ ကျနော်က ကျနော်ပါပဲလို့ ပြောတော့ သူ့က သူ့နာမည် ပြောပြသည်။ ကျနော် ---- ပါတဲ့။ သူ့နာမည် စကြားလိုက်ရတော့ ကျနော် အံ့အားသင့်ပြီး ပြုံးမိသွားသည်။ ဘာဖြစ်လို့ဆဲ ဆိုတော့ ကျနော် စိတ်ကူးထားတဲ့ ငှက်ကြီးရဲ့ ပုံစံနဲ့ တခြားစီ ဖြစ်နေလို့ပါ။

သူလာပြောတာက သူတို့ ၀ါးခုတ်မည်၊ တကယ်လို့ ကျနော်တို့ ခြံထိခိုက်သွားပါက သူပြန်ပြင်ပေးပါ့မယ်လို့ ကြိုပြောထားတာပါ။ ကျနော့်လည်း ရပါတယ် လုပ်ပါလို့ ပြန်ဖြေခဲ့တယ်။ အဲဒီနေ့က အဲဒီလောက်ပဲ စကားပြောဖြစ်ပြီး စကားစ ပြတ်သွားသည်။

တကယ်တွေ့တဲ့ ငှက်ကြီးပုံစံက ကျနော့်စိတ်ကူးထဲကနှင့် တခြားစီ၊ အရပ်က သိပ်မမြင့်၊ လူက ကျစ်ကျစ်လစ်လစ်၊ မျက်လုံးက စူးစူးရှရှ၊ ကြည့်တာနဲ့ ဂျစ်တစ်တစ်ပုံစံမှန်း သိသာသည်။ ဆံပင်ပုံစံ ကတုံး ဆံပင်ပေါက်သည့် ဆံပင်နှင့်၊ ရှပ်အင်္ကျီလပ်တို အပြင်ထုတ်ဝတ်ထားသည်။ ပုဆိုးက တိုတို၊ ဖိနပ်က ဂျပန် ဖိနပ်နှင့်၊ ထောင်ကျကျ ပြားကျကျ နေတတ်မည့်ပုံ။ ကွမ်းကလည်း စားနေသေးသည်။

နောက်တော့ ငှက်ကြီးနှင့် ကျနော် အပြင်မှာ တွေ့ဖြစ်ပြီး အရမ်းခင်သွားကြသည်။ နောက်ပိုင်း နေ့တိုင်း သူနှင့်ဆုံဖြစ်သည်။ ကျနော့် အိမ်ကို လာလည် တတ်သည်။ တခါတလေ ကျနော့်အိမ်မှာ သူ့ကို ထမင်းစားဖိတ်သည်။

များသောအားဖြင့်တော့ ကျနော့်နှင့် ဘယ်သူနဲ့ပဲ ခင်ခင် ကျနော့်မိသားစုနှင့်ပါ ခင်သွားတတ်သည်။

နောက်တော့ ငှက်ကြီးအကြောင်း ပိုသိရသည်။ သူက မော်လမြိုင် GTI က Electrical Power နှင့် ပြီးသည်။ ဇာတိက မွန်ပြည်နယ် အပေါင်က၊ သူ့အဖေက အစိုးရ၀န်ထမ်း။ ဒါပေမယ့် သိရသလောက် သူ့သားကို ဆုံးမသွန်သွင်ထားပုံက တစ်မျိုး။ ကျနော်တို့ မိသားစုနှင့် သိပ်တော့မတူ။

ဒီလိုနှင့် ကျနော်နဲ့ ငှက်ကြီးလည်း အလုပ်တူတူ လုပ်ဖြစ်ကြတယ်။ နေ့တိုင်းနီးပါးလည်း တွေ့ပြီး တွဲဖြစ်ကြတယ်။ ကျနော့်နှင့် အပြင်မှာ တွေ့တဲ့ ငှက်ကြီးနဲ့ သူ့အလုပ်ခွင်မှာတွေ့ရတာတဲ့ ငှက်ကြီးကတော့ တခြားစီ။

သူ့အလုပ်ခွင်မှာတော့ အလုပ်သမား လူမျိုးစုံ၊ အရွယ်မျိုးစုံကို ဆက်ဆံနေရတော့ သူ့မျက်နှာက အမြဲ တင်းနေသည်။ သူ့ကို ရိုသေအောင် နေတာလို့ပဲ ကျနော် ထင်တယ်။ ကျနော်သွားရင်တော့ သူ့အလုပ်သမားတွေက ကျနော်နှင့် ပြုံးပြုံးရွှင်ရွှင် လာစကားပြောသည်။ အဲဒါကို ငှက်ကြီးက မကြိုက်၊ ကျနော့်ကိုလည်း သူ့လိုပဲ မျက်နှာ မာမာနှင့် နေစေချင်သည်။ အမြင်မတော်တာတွေ့ရင် သူ့အလုပ်ထဲမှာ ၀င်ပြောစေချင်သည်။ ကျနော်ကတော့ မျက်နှာမာမာနှင့် အလုပ်သမားတွေကို မဆက်ဆံတတ်ပါ။ ထုံးစံအတိုင်း ပြေပြေပြစ်ပြစ် ကိုယ့် ညီအစ်ကို သဖွယ် ရှင်းပြ ပြောပြသည်။ အဲဒါကို ငှက်ကြီးက မကြိုက်၊ ခင်ဗျား အဲဒီလို ဆက်ဆံနေရင် ဒီကောင်တွေ မီးရှို့သွားလိမ့်မယ်လို့ ပြောတတ်သည်။

ဆက်ရန် ...

ငှက်ကြီး

အပိုင်း (၁)

ကျနော်နှင့် မတွေ့ဖြစ်သေးခင် ငှက်ကြီး

ကျနော့် သူငယ်ချင်းကောင်းတွေအကြောင်း ပြောရင် ငှက်ကြီးကိုလည်း ချန်ထားလို့ မဖြစ်ပါ။ ဘာဖြစ်လို့လည်းဆိုတော့ သူလည်း ကျနော့်အတွက် သူငယ်ချင်းကောင်း တစ်ယောက် ဖြစ်ခဲ့လို့ပါပဲ။

ငှက်ကြီးဆိုတာက သူ့ရဲ့ ကျောင်းက Nick Name ကျနော်ကိုယ်တိုင်တော့ ငှက်ကြီးလို့ မခေါ်ဖြစ်ခဲ့ပါ။ ကျနော့်ထက်လည်း ကြီးတော့ သူ့နာမည်ကိုပဲ ကို---- တတ်ခေါ်ခဲ့သည်။ သူကိုယ်တိုင်လည်း ကျနော့်ကို အမြဲတမ်း ကို----- တပ်ပြီး ကျနော့်နာမည်ကို ခေါ်သည်။

ကျနော်တို့ နယ်မြို့လေးကို သူရောက်လာတော့။ ကျနော့်တို့ လုပ်ငန်းတူ သူငယ်ချင်းတွေ ကြားထဲမှာ သူ့နာမည် ကြားရသည်။ သူ့နာမည်က ကျနော်တို့ လက်ဖက်ဆိုင် စကားဝိုင်းမှာ အမြဲပါနေကြ။
ဆိုတော့ ကျနော် သူ့နာမည်ကြားတိုင်း သူ့ပုံစံကို စိတ်ကူးပုံဖော် ကြည့်ထားသည်။

အဲဒါကလည်း ကျနော့်အကျင့်၊ တစ်ခုခုဆို မျက်စိထဲမှာ မြင်ကြည့်သည်။ ဒီလူက ဒီလိုပုံ ဖြစ်ရမည်။ အရပ်က ဘယ်လို၊ အသားအရောင်က ဘယ်လို၊ ဘယ်လို အိတ်မျိုးကို ပုခုံးမှာ လွယ်ထားမည်။ အဲဒါ ကျနော့်အကျင့်။ ကောင်းသလား၊ ဆိုးသလား ကျနော်မခွဲခြားတတ်။

ဒီလိုပဲ ငှက်ကြီးနာမည် ကြားတော့ ကျနော် သူ့ပုံစံကို စိတ်ကူးပုံဖော် ကြည့်ထားသည်။ ငွေကြေးပဏာမ မနည်းတဲ့ လုပ်ငန်းတစ်ခုကို ဦးစီး လုပ်ကိုင်နေတယ်ဆိုတော့ လူပုံစံက ရင့်ကျက်ပုံပေါက်မည်။ အရပ်မြင့်မည်။ အသားဖြူဖြူ၊ ဆံပင်က နဲနဲရှည်မည်။ မျက်နှာက Chinese Face ဖြစ်နိုင်သည်။ အင်္ကျီကအဖြူရောင် လက်ရှည်ဝတ်ပြီး ခေါက်ထားမည်။ ပုဆိုးက အရောင် ရင့်ရင့် ခပ်ရှည်ရှည် ဝတ်ထားမည်။ နောက် ကတီဘာဖိနပ် စီးမည်။ ဗယ်ဘက်မှာ အိတ်အနက် တစ်လုံး လွယ်ထားမည်။ အဲဒီလို စိတ်ကူးထဲမှာ ပုံဖော်ကြည့်ထားတော့ သူ့အကြောင်းကြားတိုင်း သူ့ပုံစံကို မျက်စိထဲ မြင်ခဲ့သည်။

အဘလည်း ကျနော့်လို ကောင်ပါပဲ

(ကျနော့် သူငယ်ချင်းတစ်ယောက်ရဲ့ အလုပ်ထဲက တကယ့်အဖြစ်အပျက်လေးပါ။ သတိရတုန်း ဟာသအဖြစ် ပြန်ရေးထားတာပါ။ ဖတ်တဲ့သူတွေအတွက် ရိုင်းတယ်ဆိုရင်တော့ ကြိုတင်ပြီး တောင်းပန်အပ်ပါတယ်။)

ကံချွန်ဆိုတဲ့ လူငယ်လေးတစ်ယောက်က စက်ရုံတစ်ခုမှာ အလုပ် လုပ်တယ်။ အဲဒီအလုပ်ရုံမှာ ဦးနေ၀င်း လက်ထက်က အလုပ်သမား ထူးချွန်ဆုရ အသက်ကြီးကြီး ပင်စင်စားကြီးတစ်ယောက်က လုံခြုံရေး တာဝန်ယူရသည်။

ဒါပေမယ့် အဲဒီလူကြီးက မလိုအပ်ပဲ တွေ့တဲ့ လူတွေကို စည်းကမ်းတွေပေးတတ်သည်။ စက်ရုံမှာ နေတဲ့ လူငယ်လေး ကံချွန်ကတော့ သူ့ဒဏ်ကို အခံရဆုံးပဲ။ အဘိုးကြီး တစ်ရက် တစ်ရက် တဗျစ်တောက်တောက် လုပ်တော့ ကံချွန်လည်း အရမ်းစိတ်ညစ် လာတယ်။

တစ်ရက် ကျတော့ ကံချွန်က သူ့ကို လာဆူတဲ့ အဘိုးကြီးကို စေ့စေ့ကြည့်ပြီး

“အဘ လည်း ကျနော့်လို ကောင်ပါပဲဗျာ”

လို့ ပြောပြီးအပြင်ထွက် သွားလိုက်တယ်။ အဘိုးကြီးလည်း ကံချွန် ဘာကိုဆိုလိုမှန်း မသိပေမယ့် ကံချွန်ကိုလည်း မမေးပဲ ဒီလိုပဲ ငူငူကြီး ကျန်ခဲ့တယ်။ နောက်ထပ် အဘိုးကြီး ထပ်ဆူတိုင်းလည်း ကံချွန်က အဲဒီလိုပဲ ပြောတာ လေး၊ ငါးကြိမ်းလောက် ရှိတော့ အဘိုးကြီးက ကံချွန်ကို မသင်္ကာတော့ဘူး။ ဒါနဲ့ တစ်ရက်တော့ မအောင့်နိုင်တော့ပဲ ဖွင့်မေးလိုက်တယ်။

“ကံချွန်၊ မင်းငါ့ကို အဘလည်း ကျနော့်လို ကောင်ပဲ၊ အဘလည်း ကျနော့်လို ကောင်ပဲနဲ့ ခဏခဏ ပြောနေတာ ကြာပီ၊ ဒါနဲ့ နေပါဦးကွ မင်းက ဘာကောင်တုန်း၊ ငါ့ကို လင်းစမ်းပါဦး။”

အဲဒီလို ပြောလိုက်တော့ စက်ရုံထဲ ၀င်ခါနီး ကံချွန်က တစ်ချက် လှည့်ကြည့်လိုက်ပြီး

“အဘကလည်း မသိဘူးလား၊ ကျနော်က -ီးကောင်ဗျ။”

ဟု ပြောရင်း စက်ရုံထဲ ၀င်သွားလိုက်တော့သည်။

Monkey Trap

ဒီမျောက်ဖမ်းနည်း ပုံပြင်ကတော့ တော်တော်များများ သိပြီး ဖြစ်ပါလိမ့်မယ်။ ကျနော်ကိုယ်တိုင်လည်း စာအုပ်တစ်အုပ်ထဲမှာ ဖတ်ဖူးတာပါ။ စာအုပ်နာမည်ကတော့ မမှတ်မိတော့ဘူး။

ဒီမျောက်ဖမ်းနည်းကို ခေါင်းမာတဲ့သူတွေအကြောင်း စဉ်းစားမိတိုင်း ခဏခဏ သတိရဖြစ်တယ်။ ရေးမယ်လို့ စိတ်ကူးထားတာတော့ ကြာပါပီ။ ဒီနေ့မှပဲ ရေးဖြစ်တာပါ။

အချို့နိုင်ငံတွေမှာ လယ်သမားတွေရဲ့ မျောက်ဖမ်းနည်းပါ။ သူတို့ယာခင်းတွေကို ခဏခဏ လာဖျက်တဲ့ မျောက်တွေကို ဖမ်းနည်းပါ။ မျောက်ဖမ်းနည်းလေးကလည်း ရိုးပါတယ်။

လယ်သမားက ပြောင်းဆန်အချို့ကို သေတ္တာတစ်ခုထဲမှာ ထည့်ပါတယ်။ နောက်အဲဒီသေတ္တာမှာ မျောက်ရဲ့
လက်တစ်ဖက် လျှိုသွင်းလို့ရလောက်တဲ့ အပေါက်လေး တစ်ခုကို ဖောက်ထားတယ်။ နောက်အဲဒီ သေတ္တာကို မျောက်တွေ လာတတ်တဲ့ ယာခင်းတွေဘေးမှာ သွားထားပါတယ်။

လယ်သမားစီစဉ်ထားတဲ့ အတိုင်းမျောက်ကလာရင် အထဲက ပြောင်းဆန်ကို ငုံကြည့်ပြီး သူ့လက်တစ်ဖက် ထိုးထည့်ပြီး နှိုက်ယူပါတော့တယ်။ နောက်ပြန်ထုတ်ဖို့ လုပ်ပါတယ်။ ဒါပေမယ့် မျောက်က သူ့လက်ကို ထုတ်လို့
မရပါဘူး။ သူ့လက်သီးဆုပ်က လယ်သမားစီစဉ်ထားတဲ့ သေတ္တာက အပေါက်ထက်ကြီးနေလို့ပါ။ ဒါကြောင့် မျောက်က ထုတ်မရပါဘူး။

ဒါပေမယ့် အဲဒီမျောက်က ပြောင်းဆန်ကို ချပြီး သူ့လက်ကို ထုတ်ပြီး မပြန်ပါဘူး။ သူ့လက်သီးဆုပ်ထဲက ပြောင်းဆန်ကိုလည်း လွှတ်မချပါဘူး။ နောက်ဆုံး ဘယ်လောက်အထိအောင် ကိုင်ထားလဲ ဆိုတော့ လယ်သမားက မျောက်မိ မမိ လာကြည့်တဲ့ အချိန်အထိပါ။ အဲဒီမျောက်က ပြန်မထွက်သွားသေးပါဖူး။ သူ့လက်သီးဆုပ်ကိုပဲ ရအောင် ကြိုးစားပြီး ထုတ်နေပါတယ်။

နောက်ဆုံးတော့ လယ်သမားက မျောက်ကို ရိုက်သတ်ပြီး ယူသွားတယ်။ မျောက်လည်း သေရပါတော့တယ်။

ဒီ မျောက်ဖမ်းနည်းလေးက ရိုးပါတယ်။ အထူးအထွေ နည်းစနစ်တွေနဲ့ ဖမ်းတာမဟုတ်ပါဘူး။ မျောက်ရဲ့ အသိဥာဏ်မရှိမှု၊ ခေါင်းမာတတ်တဲ့ အကျင့်ကိုပဲ အသုံးချပြီး ဖမ်းသွားတာပါ။ မျောက်က သူ့လက်ထဲက ပြောင်းဆန်နဲ့ သူ့အသက် ဘယ်ဟာ ပိုတန်သလဲ မတွေးတတ်ခဲ့ပါဘူး။ ပြောင်းတစ်ဆုပ်အတွက် သူ့အသက်ကို အသေခံခဲ့ပါတယ်။

ကျနော့်တို့လူတွေလည်း အဲဒီမျောက်ကလေးကို ဥပမာ ယူပြီး စဉ်းစားစရာတွေ အများကြီး ရပါတယ်။ တစ်ခါတစ်လေ လောကမှာ ဘယ်ဟာက အရေးပိုကြီးသလဲ မစဉ်းစားမိတတ်ကြဖူး။ ဘာမဟုတ်တာလေးတွေကို ဆုပ်ကိုင်ပြီး အပျက်ဆီးခံတတ်ကြတယ်။ ရွေးချယ်မှုတွေ အမြဲလုပ်နေရတဲ့ လူတိုင်း ဒီမျောက်လေး မှားတဲ့ အမှားအတိုင်း မမှားစေချင်ပါဖူး။

မှတ်ချက်။ ။ ဤပို့စ်မှာ သုံးထားတဲ့ ဓါတ်ပုံလေးကို အင်တာနက်က ရယူပါတယ်။

ညီဖတ်ဖို့… (အမှာစာ)

ကျနော့်မှာ အရမ်းချစ်ရတဲ့ ညီတစ်ယောက် ရှိတယ်။ သူနဲ့ပတ်သတ်ပြီး ကျနော့်ကို ကျနော် မကျေနပ်ခဲ့တာလေးတွေ ရှိတယ်။ သူ့အပေါ်တာဝန် မကျေဘူးလို့ ကိုယ့်ဘာသာ ယူဆခဲ့တာလေးတွေ ရှိတယ်။ စိတ်ပိုင်းဆိုင်ရာ ဗိုလ်ကျမိခဲ့တာလေးတွေ ရှိတယ်။ နေရာတကာ ကိုယ့်ပေတံနဲ့ တိုင်းပြီး ကိုယ်ဖြစ်စေချင်သလို ဆူခဲ့ မိတာလေးတွေ ရှိတယ်။ အဲဒါကြောင့် အိမ်နဲ့အဝေးရောက်နေတဲ့ ကျနော်က ညီကို သတိရတိုင်း စိတ်မကောင်းဖြစ်ရတာတွေ ရှိတယ်။

ဒါကြောင့် သူ့ကိုပြောပြနိုင်ဖို့ ကျနော် စာတွေ ရေးချင်နေမိတယ်။ အဖေတစ်ယောက်က သားကို သူမဖြစ်ခဲ့တာလေ အားလုံး သားမှာ ဖြစ်ဖို့ မျှော်လင့်ခဲ့သလို။ ကျနော်လဲ ကျနော့်ညီအတွက် ကျနော် မရခဲ့တဲ့ ကံကောင်းမှုလေးတွေကို ရစေချင်တယ်။ ဒါပေမယ့် အချို့အပိုင်းတွေမှာတော့ သူကိုယ်တိုင် ပြောင်းလဲဖို့ လိုပါတယ်။

ဖြစ်နိုင်ရင် သူ့ကို ကဏ္ဍအစုံမှာ ပြည့်ပြည့်စုံစုံအောင်မြင်တဲ့ ယောက်ျားတစ်ယောက် ဖြစ်စေချင်တယ်။ ကျနော့်ညီကို ပြောပြရင်း အခြားသူငယ်ချင်း ညီငယ်တွေကိုလည်း ဖတ်စေချင်တယ်။ တတ်နိုင်ရင် စာအုပ်ပုံသဏ္ဍန် အဖြစ်ရအောင် အပိုင်းလေးတွေနဲ့ ခေါင်းစဉ်ငယ်လေးတွေ ခွဲရေးမယ်။ အများတကယ် ဖတ်ဖို့ တန်ဖိုးရှိတဲ့လို့ ယူဆရင်တော့ အီးဘုတ် (သို့) စာအုပ်အဖြစ်နဲ့ ထုတ်ဝေချင်တယ်။

၁၂.၁.၂၀၁၂

My 2012 New Year's Resolutions

၂၀၁၂ ခုနှစ်အတွက် ကျနော် ဖြစ်အောင် လုပ်မယ်လို့ ဆုံးဖြတ်ထားသော ကိစ္စများပါ။

၁။ ဆေးလိပ်သောက်ရပ်ရန် (အနည်းဆုံး ၂၀၁၂ ခုနှစ် တစ်နှစ်ပတ်လုံး မသောက်ရန်)
၂။ Antibiotic (ပဋိဇီဝ ဆေးဝါးများ ရှောင်ရန်)
၃။ တရုတ်နှင့် အိန္ဒိနိုင်ငံမှ ထင်ရှားသော နေရာအချို့သို့ သွားရောက်လည်ပတ်ရန်
၎။ Violin အတီးသင်ရန်
၅။ သီတင်းတစ်ပတ်၌ စာအုပ်တစ်အုပ် ဖတ်ရန်
၆။ အချိုလျှော့စားရန်
၇။ သူငယ်ချင်းဟောင်းများနှင့် အဆက်အသွယ်ရအောင် ပြန်ကြိုးစားရန်
၈။ ပြင်သစ်စာ လေ့လာရန်
၉။ ထိုင်းစာ အဖတ် ပြန်လေ့လာရန်
၁၀။ ကျောင်းလျှောက်ရန်
၁၁။ ဆင်းရဲနွမ်းပါးသော ကျောင်းသား/သူ အချို့၏ ပညာရေးအတွက် ငွေလှူရန်
၁၂။ မိဘများနှင့် ပြန်တွေ့ရန်
၁၃။ သီတင်းတစ်ပတ်လျှင် အနည်းဆုံးတစ်ရက် အားကစား လုပ်ရန်
၁၄။ IT Security လက်မှတ် နှစ်ခု ဖြေရန်

အားလုံးကိုတော့ ဖြစ်အောင် ကြိုးစားမှာပါ။ မဖြစ်လာတော့လဲ နောက်နှစ်ပေါ့ :)